Türkiyənin Rusiyaya sement məhsulları ixracı azalıb

Tarix: 16 Iyul 2024 14:12

2024-cü ilin yanvar-iyun aylarında Türkiyənin Rusiyaya sement məhsulları ixracı ötən ilin eyni dövrü ilə müqayisədə 15,5 faiz azalaraq, 40 milyon dollara bərabər olub.

Mİlli.Az-ın TurkicWorld-ə istinadən məlumatına görə, bu barədə Türkiyə Ticarət Nazirliyindən bildiriblər.

"Bu ilin iyun ayında Türkiyə Rusiyaya 7,2 milyon dollar məbləğində sement məhsulları ixrac edib ki, bu da keçən ilin iyun ayı ilə müqayisədə 5,5 faiz azdır", - deyə nazirlikdən qeyd edilib.

Qeyd edək ki, 2024-cü ilin yanvar-iyun aylarında Türkiyənin dünya bazarlarına sement məhsulları ixracı 2023-ci ilin eyni ayı ilə müqayisədə 9,4 faiz azalaraq, 2,1 milyard dollara bərabər olub.

"Bu ilin iyun ayında Türkiyə 336,5 milyon dollar məbləğində sement ixrac edib ki, bu da keçən ilin iyun ayı ilə müqayisədə 18,3 faiz azdır", - deyə nazirlikdən bildirilib.

Qeyd olunub ki, son 12 ay ərzində (iyun 2023 - iyun 2024) Türkiyə 4,3 milyard dollar məbləğində sement məhsulları ixrac edib.