Aktual mövzular: Dollar alış-satışı, Neftin qiyməti, COP29, Hava proqnozu

Klaar gedir, yerinə Qrono təyin edildi – Təsdiq

Klaar gedir, yerinə Qrono təyin edildi – Təsdiq

Tarix: 27 Iyul 2024 06:26

AB Şurası Maqdalena Qrononu AB-nin Cənubi Qafqaz və Gürcüstan böhranı üzrə yeni xüsusi nümayəndəsi təyin edib.

Sonxeber.net axar.az-a istinadən xəbər verir ki, bu barədə AB Şurası məlumat yayıb.

Bildirilib ki, Qrono 31 avqustda səlahiyyət müddəti başa çatacaq Toivo Klaarı əvəz edəcək.

O, 2024-cü il sentyabrın 1-də vəzifəsinin icrasına başlayacaq.

Qrono BMT və ATƏT ilə sıx əməkdaşlıq şəraitində münaqişələrin, o cümlədən Gürcüstandakı böhranın və Ermənistanla Azərbaycan arasında münasibətlərin normallaşması prosesinin sülh yolu ilə həllinə töhfə verəcək.

Qrono Çexiya vətəndaşıdır və hazırda Avropa Şurasının rəhbəri Şarl Mişelin baş diplomatik müşaviri vəzifəsini tutur. Mişelin kabinetinə qoşulmazdan əvvəl o, Avropa Şurasının keçmiş rəhbəri Donald Tuskun xarici siyasət üzrə müşaviri olub.

Qeyd edək ki, Qrononun namizədliyi bundan öncə Avropa Birliyinin Siyasi və Təhlükəsizlik Komitəsi tərəfindən təsdiqlənmişdi.


Etiketlər:  Klaar gedir yerinə Qrono təyin edildi Təsdiq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ