Qənirə Ataşova: “Məni ələ verməyin”

Tarix: 28 Noyabr 2024 12:30

"Bəsti Hacıyevanın əməliyyatdan sağ çıxması sevindirici xəbərdir, amma məsələ bununla bitmir. Hazırda Bəsti xanım reanimasiyada olsa da, bu əməliyyatın kölgəsində gizlənən ciddi faktlar var. Azərbaycan mətbuatında bəzi mənbələr Ülviyyə İlyasovanın bu əməliyyatla bağlı rolunu gizlətmək üçün məlumatlar tirajlayır. Lakin məndə bu məsələyə işıq salacaq faktlar mövcuddur".

Sonxeber.net yenisabah.az-a istinadən xəbər verir ki, ABŞ-da yaşayan azərbaycanlı jurnalist Qənirə Ataşova daha bir qalmaqallı paylaşımı ilə səs-küy yaradıb. O, adına cinayət işi açılan və eltisini öldürməkdə ittiham olunan həkim Ülviyyə İlyasova haqqında yeni iddialar səsləndirib:

Ən popluyar məhsulların kolleskiyalarını sənin üçün yaratdıq

"Ülviyyə İlyasovanın əməliyyatdan sonra hadisə yerində necə gizləndiyini əks etdirən sübutlarım var. Hətta onun bacısının telefonundan xəstə yaxınlarına zəng edib, "Məni ələ verməyin, tutulsam xəstənizin xərclərini ödəməyəcəm," deyə insanları qorxutduğuna dair məlumatlar mövcuddur. Bu arada qeyd etmək lazımdır ki, Bəsti xanım varlı deyil, maliyyə baxımından çətinlik çəkir və Ülviyyənin onun üçün ödəyəcəyi yardıma möhtacdır. Amma hüquq-mühafizə orqanları bu məsələni diqqətlə araşdırmalıdır. Ülviyyənin günahını hansısa saxta "həkim" öz boynuna götürübsə, bunun səbəbləri də açıq şəkildə üzə çıxarılmalıdır. Ülviyyə İlyasovanın fəaliyyətini davam etdirdiyini sübut edən daha bir video paylaşımı da təqdim edəcəyəm. Bu dəfə söhbət azərbaycanlı aktrisa Mila Bekovadan gedir. Həmin videoda görəcəksiniz ki, Ülviyyənin əməlləri Mila xanımı hansı psixoloji, fiziki və mənəvi əzablarla üz-üzə qoyub. Öz gözlərinizlə izləyib nəticə çıxarın.

Məsələ ilə bağlı hüquq-mühafizə orqanlarının addım atması və ədalətin təmin olunması hər birimizin gözləntisidir. Bu hadisələr yalnız fərdi insanlara deyil, bütövlükdə cəmiyyətə zərbə vurur. Biz isə susmamalı, həqiqətləri işıqlandırmalıyıq".