Aktual mövzular: Dollar alış-satışı, Neftin qiyməti, COP29, Hava proqnozu

Ukrayna və Rusiya ordusunun İTKİLƏRİ AÇIQLANDI

Tarix: 9 Dekabr 2024 11:54

2022-ci ilin fevral ayından başlayan Ukrayna-Rusiya müharibəsində hər iki tərəfin itkiləri açıqlanıb.

Sonxeber.net xəbər verir ki, bu barədə Ukrayna Prezidenti Volodimir Zelenski sosial media hesabında paylaşıb.

Onun sözlərinə görə, müharibə dövründə Ukrayna ordusunun 43 min hərbçisi ölüb, 370 min isə yaralanıb.

"Yaralıların təxminən 50 faizi xidmətə qayıdıb. Rusiya müharibə dövründə ümumilikdə 750 min hərbçi itirib, onların 198 mini ölüb, 550 mindən çoxu yaralanıb".

Qeyd edək ki, Zelenskinin bu açıqlamasından bir müddət əvvəl ABŞ-nin yeni seçilmiş prezidenti Donald Tramp Ukraynanın döyüş meydanında 400 min əsgər itirdiyini yazıb. O, ölən və yaralanan rusların sayının 600 min nəfər olduğunu bildirib.

Whatsapp ilə göndər