Aktual mövzular: Dollar alış-satışı, Neftin qiyməti, COP29, Hava proqnozu

Həbs olununan Şəmsi Səmədzadənin qardaşı DANIŞDI: ''Niyə bu qədər...''

Tarix: 9 Dekabr 2024 20:26

2022-ci ildə ömürlük həbs cəzasından azad edilən iş adamı Şəmsi Səmədzadənin Özbəkistanda həbs olunması ilə bağlı xəbər yayılıb.

Sonxeber.net xəbər verir ki, Ş.Səmədzadənin qardaşı Niyazi Səmədzadə Pravda.az-a açıqlamasında mətbuatdan narazılığını ifadə edib.

"Mətbuatın başqa işi yoxdur? Gedib niyə işləri ilə məşğul olmurlar? Belə boş-boş işlərlə məşğul olurlar. Şəmsi Səmədzadə həbs olunubsa, bunun mətbuata nə xeyri var? Nə məsələdir? Ömürlük məhkum olan insandır, ya kimdirsə, dövlət başçısı sağ olsun, əfv edib, məsələ qurtarıb gedib. Bu adam indi adi sıravi vətəndaş kimi mülki insandır. İnsanları niyə bu qədər narahat edirsiniz? Gedin işinizlə məşğul olun", - o bildirib.

N.Səmədzadə Şəmsi Səmədzadənin Özbəkistanda həqiqətən də həbs edilib-edilməməsi barədə sualları cavabsız qoyub.

Xatırlatma: Bir müddət öncə sosial şəbəkələrdə intim görüntüləri ilə gündəmə gələn Şəmsi Səmədzadənin həmin görüntülərdən sonra Özbəkistana köçdüyü iddia olunur. Onun Özbəkistanda həbs olunması xəbərini Gununsesi.info yayıb.

Whatsapp ilə göndər