BP-nin hazırkı və gələcək rəhbərləri Azərbaycanda səfərdədirlər

Tarix: 11 Dekabr 2019 14:12

Bakı. Trend:

BP qrupunun baş icraçı direktoru Bob Dadli və onu gələn il bu vəzifədə əvəz edəcək Bernard Luni Azərbaycana işgüzar səfər ediblər.

BP Azərbaycan şirkətindən Trend-ə verilən məlumata görə, Dadli və Luni dünən Bakıya gəliblər.

Hazırda BP qrupunun Apstrim bölümünə rəhbərlik edən Bernard Luni, Dadlini BP qrupunun baş icraçı direktoru vəzifəsində 2020-ci il 5 fevral tarixindən başlayaraq əvəz edəcək və həmin tarixdən də BP-nin Direktorlar Şurasının üzvü olacaq.

Bob Dadli doqquz ildən çox baş icraçı direktor olmaqla BP-də 40 ildir ki, işləyir. O, 2020-ci il 4 fevral tarixində BP-nin baş icraçı direktoru vəzifəsindən və Direktorlar Şurasının üzvlüyündən gedəcək və sonra 2020-ci il 31 mart tarixindən isə təqaüdə çıxacaq.

Trend-in ən mühüm və maraqlı xəbərlərini "Telegram"da izləyin