''Çoxlarını məhv etmişəm''

Tarix: 30 Noyabr 2025 19:55

"Susmaqla çoxlarını məhv etmişəm. Susmaq onları yerdən yerə vurur. Susmaq lazımdır. Bu camiyədə olan da, olmayan da var".

Sonxeber.net xəbər verir ki, bu sözləri Əməkdar artist Vasif Məhərrəmli "Gün ortası" verilişində deyib. Müğənni qalmaqaldan uzaq olduğunu bildirib. Məhərrəmli əlavə edib ki, insanlardan susmaqla intiqam alır. 

V.Məhərrəmli aparıcı Zümrüd Bədəlovanın Ayan Babakişiyiveyava "Ayan elə bir qadındır ki..." sözünə irad tutub.

"Yarama toxunan bir şey oldu - qadın yox, xanım deməlisən. Xanım müraciət formasıdır. Biri zəng edir, soruşuram xanım, adınız necədir? Qayıdır, filankəs xanım... Az mən sənə xanım dedim də, denən filankəs. Bəlalı yerimizdir. Dilimizdə "c", "ç" iyrənc formada baş alıb gedir. Bu şeylər efirdə, mahnılarda, bəzi müğənnilərin, xanəndələrin dilində səslənir. "Cəmən, "Cicəy" - baş alıb gedir..." deyə, V.Məhərrəmli əlavə edib. (axşam.az)