Aktual mövzular: Dollar alış-satışı, Neftin qiyməti, COP29, Hava proqnozu

Bu il rezidenturanı bitirən həkimlərin 50 faizi təyinatla bölgələrə göndərilib

Bu il rezidenturanı bitirən həkimlərin 50 faizi təyinatla bölgələrə göndərilib

Tarix: 19 Dekabr 2019 12:48

Bakı. İlhamə İsabalayeva - Trend:

Regionlardakı həkim çatışmazlığı probleminin həlli üçün bu il rezidenturanı bitirən həkimlərin 50 faizi təyinatla bölgələrə göndərilib.

Trend-in məlumatına görə, bunu Səhiyyə nazirinin müavini Rahim Əliyev deyib.

Hər il noyabr-dekabr aylarında rezidentlərin bölgələrə təyinatının aparıldığını nəzərə çatdıran nazir müavini qeyd edib ki, keçən il rezidentlərin 60 faizi regionlara göndərilib:"Həkimlərin regionlarda işləməsi üçün əlimizdən gələni edirik. Bir müddət əvvəl stimullaşdırıcı tədbirlər gördük. Maaşdan əlavə onlara həvəsləndirici məbləğ verilirdi və evlə təmin olunurdular. Belə bir proqramın yenidən həyata keçirilməsini gözləyirik. Hələ ki, bu tədbirlər təsdiqlənməyib".

R.Əliyev bildirib ki, bölgələrə təyinat alan rezidentlər 3 il müddətində məcburi olaraq orada fəaliyyət göstərməlidirlər: "Kimsə müddət bitdikdən sonra orada qalıb işləyir, qalmaq istəməyəni isə buna məcbur edə bilmərik. Çünki artıq müqaviləsi bitir. Amma rezidenturanı yeni bitirənlər həmin bölgələrə göndərilir".

Trend-in ən mühüm və maraqlı xəbərlərini "Telegram"da izləyin


Etiketlər:  rezidenturanı bitirən həkimlərin faizi təyinatla bölgələrə göndərilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ