Tramp Türkiyəyə səfər edəcək?

Tarix: 19 Aprel 2019 11:44

Bakı. Rufiz Hafizoğlu - Trend:

Rəsmi Ankara ABŞ Prezidenti Donald Trampın Türkiyəyə səfər edəcəyinə ümid edir.

Trend-in məlumatına görə, bunu Türkiyə Prezidentinin mətbuat katibi İbrahim Kalın deyib.

İ.Kalın bildirib ki, Ankarada D.Trampı qəbul etməyə hazır olduqlarını dəfələrlə bəyan ediblər və Prezident Rəcəb Tayyib Ərdoğan Birləşmiş Ştatlar liderini şəxsən Türkiyəyə dəvət edib.

O əlavə edib ki, ABŞ Prezidenti Administrasiyasından D.Trampın cari il ərzində Türkiyəyə səfərini istisna etmirlər.

Rusiyadan S-400 zenit-raket komplekslərinin alışına gəlincə, İ.Kalın qeyd edib ki, Ankara müvafiq qərarı milli maraqlardan çıxış edərək qəbul edib:

"Rusiya istehsallı S-400-lər NATO üçün heç bir təhdid doğurmur və ABŞ da bunu çox gözəl anlayır".

Trend-in ən mühüm və maraqlı xəbərlərini "Telegram"da izləyin