Aktual mövzular: Dollar alış-satışı, Neftin qiyməti, COP29, Hava proqnozu

“Google” şirkəti “Chrome 79” versiyasının quraşdırılmasını bloklayıb

Tarix: 21 Dekabr 2019 07:04

Proqramçılar istifadəçi məlumatlarının silinməsi və mobil proqramların yenidən qurulması ilə bağlı ciddi səhv aşkarlandığı haqda məlumat verdikdən sonra "Google" şirkəti "Chrome" brauzerinin 79-cu versiyasının quraşdırılması imkanını deaktiv edib.

Sonxeber.net ictnews.az-a istinadən bildirir ki, sözügedən səhv "Chrome 78"dən "Chrome 79"a yeniləmə prosesi zamanı yaranır. "Google" öz səhvini etiraf edib və izah edib ki, "LocalStorage" və "WebSQL" qovluqlarındakı məzmunu brauzerin yeni direktoriyasına köçürməyi unudublar, buna görə də istifadəçilər öz məlumatlarına, fayllarına, sazlamalarına, hətta öz hesablarına giriş imkanından məhrum olublar.

Bu problem haqqında məlum olan kimi "Google" öz brauzerinin yeniləməsinin quraşdırılmasını dayandırıb və proqramçılar problemin həllinin axtarışı ilə məşğul olublar.

Whatsapp ilə göndər