Aktual mövzular: Dollar alış-satışı, Məzənnə, Neftin qiyməti

"Azərbaycan vokalçıları" festivalı çərçivəsində xor konserti maraqla qarşılandı - Beynəlxalq Muğam Mərkəzində - FOTO

Tarix: 23 Dekabr 2019 17:09

Beynəlxalq Muğam Mərkəzinin səhnəsində "Azərbaycan vokalçıları" festivalı çərçivəsində Azərbaycan Televiziyası və Radiosunun Cahangir Cahangirov adına Xor kollektivi çıxış edib. Kollektivin bədii rəhbəri Şəhla Ələkbərovadır.

Tamaşaçılar xorun ifasında Üzeyir Hacıbəyli, Səməd Vurğun - "Ey Vətən", Səid Rüstəmov, Zeynal Cabbarzadə  - "Alagöz", Françesko Maccio, Ramiz Abdulla - "Oda", Xalq mahnısı "Qoy yarım gəlsin, Frans Şubert "Ave Mariya", Cahangir Cahangirov, Ənvər Əlibəyli -"Xəzər" və digər xor üçün yazılmış əsərləri səsləndiriblər. Solistlər  Səidə Manafova, Orxan Nur,  Pərviz Verdiyev, Aynur İsgəndərli və xorun birgə çıxışları festivalı izləyən tamaşaçılar tərəfindən maraqla qarşılanıb. Proqramda həmçinin A.Zeynallı "Ölkəm", A. Əlizadə  "Dağlarda", C.Hacıyev "Ey gül" və "Turandot"  operasından parçalar da səsləndirilib.

Qeyd edək ki, dekabrın 24-dək davam edəcək festivalın final konserti Heydər Əliyev Mərkəzində keçiriləcək.


Etiketlər:  Azərbaycan vokalçıları festivalı çərçivəsində xor konserti maraqla qarşılandı Beynəlxalq Muğam Mərkəzində FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ