Prezident İlham Əliyevə doğum günü münasibətilə təbriklər gəlməkdədir

Tarix: 28 Dekabr 2019 20:42

Misir Parlamentinin Birinci vitse-spikeri Seyyid Mahmud Şərifdən Prezident İlham Əliyevə təbrik məktubu gəlib.

Sonxeber.net AZƏRTAC-a istinadən bildirir ki, təbrikdə deyilir:

"Cənab Prezident. Allahın salamı, mərhəməti, bərəkəti üzərinizdə olsun.

Mübarək doğum gününüz münasibətilə Zati-alinizə ən səmimi təbriklərimi çatdırıram. Sizin uğurlu həyat yolunuz bizə qardaş olan ölkənizə xidmət yolunda çox böyük nümunədir. Azərbaycan Sizin müdrik rəhbərliyinizlə xalqın rifahının yüksəldilməsinə, çox sürətli iqtisadi və sosial inkişafa nail olub.

Fürsətdən istifadə edərək, Zati-alinizə cansağlığı və daha böyük nailiyyətlər, qardaş Azərbaycan xalqına tərəqqi və rifah arzulayıram.

Yüksək ehtiramımızı qəbul etməyinizi xahiş edirəm. Allah Sizi qorusun".

XXX

Niderland Krallığı Senatının sabiq spikeri, Avropa Şurası Parlament Assambleyasının fəxri sədri, Niderland-Azərbaycan Dostluq Qrupunun sədri Rene Van der Lindendən
Azərbaycan Respublikasının Prezidenti İlham Əliyevə təbrik məktubu gəlib.

Təbrikdə deyilir: "Hörmətli cənab Prezident. Əvvəlcə icazə verin, Sizə və ailənizə ən xoş arzularımı çatdırım.

Doğum gününüzü səmimi qəlbdən təbrik edir, Sizə xoşbəxtlik, cansağlığı və firavan Yeni il arzulayıram. Yeni ildə 2019-cu ilin nəticələrini və əməkdaşlıq fəaliyyətini nəzərdən keçirmək və növbəti hədəfləri müəyyən etmək baxımından gözəl fürsət yaranacaq.

Azərbaycan və Niderland arasında məhsuldar əməkdaşlığı bir daha qeyd etmək istərdim.

Niderlandın bir sıra şirkətləri iyun ayında Avropa İttifaqı - Azərbaycan biznes forumunda iştirak edib. Niderland "Caspian Agro" sərgisində təmsil olunub və 2020-ci ildə də bu sərgidə iştirak etməyi planlaşdırır.

Birgə tədbirlərin uğurlarını davam etdirmək, ölkələrimiz arasında iqtisadi və biznes əlaqələrini daha da gücləndirmək baxımından, Azərbaycanın "Floriade Expo 2022" sərgisində iştirak edəcəyini eşidəndə çox məmnun oldum. Ölkəniz "Floriade 2012" sərgisində uğurla iştirak etmişdi və onun pavilyonu ziyarətçilər tərəfindən çox bəyənilmişdi.

Fürsətdən istifadə edərək, Azərbaycan və Niderland arasında ikitərəfli əlaqələrin inkişafına göstərdiyiniz dəstəyə görə Sizə dərin minnətdarlığımı bildirmək istərdim. Əməkdaşlığımızı davam etdirməyi səbirsizliklə gözləyirik.

Sizə və yaxınlarınıza xoşbəxtlik və cansağlığı, ölkənizə və xalqınıza sülh, rifah arzulayıram".