Aktual mövzular: Dollar alış-satışı, Neftin qiyməti, COP29, Hava proqnozu

Nyu Yorkda yəhudi icmasına hücum edən şəxs saxlanılıb

Nyu Yorkda yəhudi icmasına hücum edən şəxs saxlanılıb

Tarix: 31 Dekabr 2019 11:48

Nyu York hüquq mühafizə orqanları bildirir ki, şənbə günü Hanuka yəhudi bayramının yeddinci gecəsində şübhəli Qrafton Tomas bir ravinin evində beş adamı bıçaqladığı üçün saxlanılıb.

Nyu Yorkun Monsey qəsəbəsində baş verən hücum zamanı ravinin evində təxminən 70 nəfər olub.

"Beş nəfərə sui-qəsd cəhdi və birinci dərəcəli oğurluq işinə baxılacaq," deyə polis rəisi Brad Veidel bildirib.

Hakim zəmanətin məbləğini $5 milyon dollar olaraq təyin edib. Qrafton həbsdə saxlanılır.

Sonxeber.net "Amerikanın səsi"nə istinadən bildirir ki, Prezident Donald Tramp hücumu "dəhşətli" adlandırıb. O, Twitter hesabında yazıb:

"Hamımız antisemitizm bəlası ilə mübarizə aparmaq, ona qarşı durmaq və onu aradan qaldırmaq üçün bir araya gəlməliyik. Melania və mən yaralıların tezliklə sağalmasını diləyirik."


Etiketlər:  Yorkda yəhudi icmasına hücum edən şəxs saxlanılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ