“İnter”dən qələbə, “Yuventus”la “Atalanta”dan darmadağın

Tarix: 7 Yanvar 2020 08:50

İtaliya A seriyasında XVIII tur başa çatıb.

Sonxeber.net apasport.az-a istinadən bildirir ki, turun ikinci günündə 6 oyun keçirilib.

Son çempion "Yuventus" 2020-ci ildəki ilk matçında "Kalyari"ni darmadağın edib. Kriştianu Ronaldo bu görüşdə het-trikə imza atıb.

"Atalanta" isə "Parma"nı meydana çıxmağa "peşman edib". Çempionatın lideri "İnter" "Napoli"ni üstələyib. "Udineze" "Leççe"m bir qolla yenib.

İki matçda qalib müəyyənləşməyib. "Sampdoriya" ilə qolsuz heç-heçə edən "Milan"a ikinci hissədə oyuna daxil olmaqla qayıdışdan sonra debütünü rəsmiləşdirən Zlatan İbrahimoviç də fayda verməyib. "Bolonya" isə "Fiorentina" ilə sülhə imza atıb.

Qeyd edək ki, növbəti turun oyunları yanvarın 11-13-də keçiriləcək.

İtaliya A seriyası
XVIII tur
6 yanvar
"Bolonya" - "Fiorentina" - 1:1
Orsolini, 90 - Benassi, 27
"Milan" - "Sampdoriya" - 0:0
"Leççe" - "Udineze" - 0:1
De Pol, 88
"Yuventus" - "Kalyari" - 4:0
Ronaldo, 49, 67 (pen.), 82, İquayn, 81
"Atalanta" - "Parma" - 5:0
Qomes, 11, Froyler, 34, Qosens, 43, İliçiç, 60, 71
"Napoli" - "İnter" - 1:3
Milik, 39 - Lukaku, 14, 33, Martines, 62