Aktual mövzular: Dollar alış-satışı, Neftin qiyməti, COP29, Hava proqnozu

Bacısının ərini küçədə qətlə yetirən şəxsə ağır cəza - 15,5 il

Tarix: 15 May 2019 16:04

Bakı. Samir Əli - Trend:

Bu gün Bakı Ağır Cinayətlər Məhkəməsində qətl törətməkdə təqsirləndirilən Samir Ağakişiyevin cinayət işi üzrə məhkəmə prosesi başa çatıb.

Trend-in məlumatına görə, hakim Samir Əliyevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə S.Ağakişiyev 15 il 6 ay azadlıqdan məhrum edilib.

İttihama görə, ötən il avqustun 20-də axşam saat 22:30 radələrində Bakının Yasamal rayonunda Ağakişiyev Samir Bəşir oğlu bacısının həyat yoldaşı, 1970-ci il təvəllüdlü Mustafazadə Faiq Fərhad oğlunu küçədə iki bıçaq zərbəsi ilə qətlə yetirib.

Qətli törədən şəxs könüllü olaraq polisə təslim olub.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər