Aktual mövzular: Dollar alış-satışı, Neftin qiyməti, COP29, Hava proqnozu

''Barselona'' Valverdeyə hörmətsizlik etdi'' - Rivaldo

Tarix: 15 Yanvar 2020 18:46

"Barselona"nın sabiq hücumçusu Rivaldo komandanın baş məşqçisi Ernesto Valverdenin istefaya göndərilməsinə münasibət bildirib.

Qol.az xəbər verir ki, braziliyalı veteran futbolçu "goal.com"a açıqlamasında deyib ki, "Barselona" ispaniyalı çalışdırıcını bu cür göndərməməli idi:

“Barselona”da baş məşqçi dəyişikliyi prosesi yaxşı olmadı. Onlar Valverdeyə qarşı hörmətsizlik etdilər. Baş məşqçi ilə davam edərkən yeni çalışdırıcı ilə danışıq aparmaq yaxşı hal deyil. Əlbəttə, futbol biznesdir, ancaq “Barselona” kimi klubun bu cür vəziyyətlərdə alternativ variantı olmalıdır.

Xatırladaq ki, Valverde 2.5 illik fəaliyyətdən sonra Kataloniya klubundan göndərilib. Onu bu vəzifədə 62 yaşlı Kike Setyen əvəzləyib.

Whatsapp ilə göndər