Aktual mövzular: Dollar alış-satışı, Neftin qiyməti, COP29, Hava proqnozu

Elşad Hacıyev: Bakıda restorandan çıxan şəxsin ətrafdakılara hücum etməsi yalandır

Tarix: 23 Yanvar 2020 13:27

Bakı. Samir Əli - Trend:

Bakı şəhər Baş Polis İdarəsi Bakıda restorandan çıxan şəxsin ətrafdakı insanlara bıçaqla hücum edilməsi ilə bağlı yayılan məlumatlara münasibət bildirib. Bu barədə Trend-ə Bakı şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev bildirib. Onun sözlərinə görə, yayılan məlumatlar əsassızdır: "Tərəflər arasında yaranan mübahisə Əhməd Rəcəbli küçəsində avtomobil yolunda sürücülərin bir-birinə yol verməməsi üstündə baş verib. Bıçaqla hücüm edilməsi faktı təsdiqini tapmayıb.

Fakt üzrə Nərimanov RPİ təhqiqat şöbəsində araşdırma aparılır. Araşdırmanının nəticəsindən asılı olaraq, əmələ hüquqi qiymət veriləcəkdir".

E.Hacıyev jurnalistlərə tövsiyə edib ki, bu və ya digər halda polisin fəaiyyət sahəsində dair məlumatları dərc etməzdən əvvəl informasiyanın düzgünlüyünü dəqiqləşdirsinlər. Jurnalistlərin suallarına 24 saat ərzində hər hansı bir məhdiyyət yaradılmadan tərəfimizdən cavablandırılır.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər