Aktual mövzular: Dollar alış-satışı, Neftin qiyməti, COP29, Hava proqnozu

Firdovsi Əliyev: Müəssisələr istifadə edilmiş sudan qənaət üçün təkrar yararlanmalıdır

Tarix: 6 Fevral 2020 23:06

Azərbaycanda sənaye müəssisələri qənaət etmək üçün istifadə edilmiş sudan təkrar yararlanmalıdırlar.

Sonxeber.net bildirir ki, bunu Trend-ə Ekologiya və Təbii Sərvətlər nazirinin müavini Firdovsi Əliyev deyib.

Onun sözlərinə görə, Azərbaycanın su ehtiyatları region ölkələri ilə müqayisədə nisbətən azdır. Suya qənaət olunması üçün beynəlxalq praktikaya uyğun olaraq çevik su idarəçiliyi tətbiq olunmalıdır: "Suya qənaət olunması vacibdir, çünki bir çox ölkələrdə olduğu kimi, bizdə də bu sahədə çətinliklər var. Qlobal istiləşmənin baş verməsi səbəbindən suya daha çox qənaət edilməli və suya olan tələbat həm də qənaət hesabına ödənilməlidir. Su qıtlığı ilə üzləşməmək üçün su itkilərinin qarşısı alınmalı, suya qənaət edən müasir texnologiyalardan istifadə edilməlidir".

F.Əliyev qeyd edib ki, suya qənaət məqsədilə Azərbaycandakı sənaye müəssisələrində təmizləyici qurğular quraşdırılmalıdır.

ETSN-nin bu məsələdə çox maraqlı olduğunu deyən nazir müavininin fikrincə, həmin qurğuların hesabına müəssisələrdə sudan təkrar istifadə etmək mümkündür.

Whatsapp ilə göndər