Aktual mövzular: Dollar alış-satışı, Məzənnə, Neftin qiyməti

Azərbaycanda xarici valyutada olan borclar milli valyutada olan borclarla əvəz ediləcək

Tarix: 21 May 2019 14:42

Bakı. Mətanət Nəsibova - Trend:

Ötən il xarici valyutada ifadə olunan dövlət borcunun ÜDM-ə nisbəti 5 faiz fəndi azaldılaraq, 24%-dən 19%-ə endirilib.

Trend-in məlumatına görə, bunu jurnalistlərə Maliyyə naziri Samir Şərifov deyib.

O bildirib ki, birinci rübün yekunları üzrə olan bu göstərici ilin əvvəlinə olan göstəricidən cüzi fərqlənir:

“Bu gün dövlət siyasətinin əsas tapşırıqlarından biri dövlət borcunun idarə olunmasının təkmilləşdirilməsidir. Bununla əlaqədar olaraq Azərbaycanda dövlət borcunun idarə olunmasının təkmilləşdirilməsi mexanizminin hazırlanması planlaşdırılır. Biz xarici valyutada dövlət borcunu azaltmağı və bunu milli valyutada borclanma ilə əvəz etməyi planlaşdırırıq”.

Nazir əlavə edib ki, bu sxem dövlət borcunun nizamlanmasının dayanıqlığını gücləndirməyə imkan verəcək.

Whatsapp ilə göndər