Aktual mövzular: Dollar alış-satışı, Məzənnə, Neftin qiyməti

“Atletiko”nun hücumçuları “Liverpul”a qarşı oynaya biləcək?

Tarix: 14 Fevral 2020 19:06

Son dövrlər aparıcı futbolçularının bir neçəsinin xidmətindən məhrum olan Madrid "Atletiko"sunun zədəlilərindən xəbər var.

Milli.Az sport24.az-a istinadən xəbər veri ki, paytaxt klubunun hücumçularından Alvaro Morata artıq sağalıb. O, nəinki UEFA Çempionlar Liqasının 1/8 finalında "Liverpul"a, həm də "Valensiya"ya qarşı La Liqa matçında iştirak edə bilər.

Xatırladaq ki, Morata sonuncu dəfə "Real"la Madrid derbisində iştirak etmişdi və həmin oyunda zədələnəndən sonra müalicə olunurdu.

Komandanın digər hücumçusu Dieqo Kosta isə hələ də sağalmayıb. Onun "Liverpul"la oyuna qədər sıraya dönməsi sual altındadı.

Madridlilərin heyətində Santyaqo Arias, Kiran Trippyer, Joao Feliks, Xose Ximenes, Hektor Herrera da zədədən əziyyət çəkir.

"Atletiko"nun "Valensiya" ilə çempionat matçı sabah, "Liverpul"la ÇL görüşü fevralın 19-da baş tutacaq.

Milli.Az

Whatsapp ilə göndər