Aktual mövzular: Dollar alış-satışı, Məzənnə, Neftin qiyməti

Azərbaycanlı gimnast batut gimnastikası və tamblinq üzrə Dünya Kubokunda finala çıxıb

Azərbaycanlı gimnast batut gimnastikası və tamblinq üzrə Dünya Kubokunda finala çıxıb

Tarix: 15 Fevral 2020 11:46

Azərbaycanlı gimnast Fərid Mustafayev (tamblinq) batut gimnastikası və tamblinq üzrə Dünya Kubokunun finalına çıxıb.

Milli.Az Trend-ə istinadən bildirir ki, F.Mustafayev iki cəhdin nəticələrinə əsasən finala 60,9 xalla vəsiqə qazanıb.

Tamblinq üzrə Dünya Kubokunun finalına, həmçinin Avstraliya, ABŞ, Rusiya və Qazaxıstan idmançıları da çıxıblər.

Qeyd edək ki, bu gün Bakıda Milli Gimnastika Arenasında batut gimnastikası və tamblinq üzrə Dünya Kuboku start götürüb.

15-16 fevral tarixlərində baş tutacaq və 30 ölkənin 150-dək gimnastının mübarizə apacağı builki Kubok Tokio Olimpiya Oyunlarına lisenziya xarakterli yarış olacaq.

Azərbaycanı Dünya Kubokunda iki gimnast - Selcan Maqsudova (batut gimnastikasında fərdi hərəkətlər) və Fərid Mustafayev (tamblinq) təmsil edəcək.

İki gün davam edəcək yarışların ilk günü təsnifat mərhələləri, ikinci günü isə final mərhələləri keçiriləcək. Turnirdə ən yüksək icra xalını toplamış gimnastlara ənənəvi "AGF Trophy" Kuboku da təqdim olunacaq.

Milli.Az


Etiketlər:  Azərbaycanlı gimnast batut gimnastikası və tamblinq üzrə Dünya Kubokunda finala çıxıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ