Aktual mövzular: Dollar alış-satışı, Neftin qiyməti, COP29, Hava proqnozu

Ramil Şeydayevin ''Sabah''a keçidi rəsmiləşdi

Ramil Şeydayevin ''Sabah''a keçidi rəsmiləşdi

Tarix: 17 Fevral 2020 20:30

Azərbaycan millisinin hücumçusu Ramil Şeydayevin karyerasını yenidən ölkəmizdə davam etdirəcəyi rəsmiləşib.

Sonxeber.net Apasport.az-a istinadən bildirir ki, 24 yaşlı futbolçu "Sabah" klubu ilə müqavilə imzalayıb.

Anlaşmaya əsasən, Şeydayev mövsümün sonuna qədər Bakı təmsilçisinin uğurları üçün çalışacaq. O, yeni komandasında 99 nömrəli formada çıxış edəcək.

Ramil futbolçu karyerasına Rusiyanın "Zenit" klubunda başlayıb. Daha sonra Sankt-Peterburq təmsilçisinin əsas komandasının, Rusiyanın "Rubin", "Krılya Sovetov", "Dinamo" (Moskva), Türkiyənin "Trabzonspor", Slovakiyanın "Jilina" klublarının və ölkəmizdə "Qarabağ"ın uğurları üçün çalışıb.

Şeydayev Rusiya millisinin aşağı yaş qruplarının, həmçinin bu ölkənin 21 yaşadək futbolçulardan ibarət komandasının üzvü olub. 2016-cı ildən Azərbaycan yığmasının şərəfini qoruyan Ramil, əsas millimizdə keçirdiyi 26 oyunda 4 qola imza atıb.


Etiketlər:  Ramil Şeydayevin Sabaha keçidi rəsmiləşdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ