Aktual mövzular: Dollar alış-satışı, Neftin qiyməti, COP29, Hava proqnozu

Petresku mətbuat konfransına oyun qaydaları kitabı ilə gəldi - Şəkil

Tarix: 28 Fevral 2020 14:06

Avropa Liqasının 1/16 finalınını “Sevilya” – “CFR Kluj” cavab oyunundan (0:0) sonra qonaqların baş məşqçisi Dan Petresku maraqlı addım atıb.

Qol.az xəbər verir ki, o, mətbuat konfransına oyun qaydaları kitabı ilə gəlib. Rumıniyalı mütəxəssis 89-cu dəqiqədə qaydalar çərçivəsində qol vurduqlarını deyərək, kitabdan lazım olan hissəni jurnalistlərə oxuyub. Petresku mübarizəni məhz hakimlərə görə dayandırdıqlarını bildirib:

“Bunu anlamaq çətindir, çünki biz təmiz qol vurduq. Qaydalarda bu epizoda görə qolun sayılmalı olduğu yazılıb. Futbolçularım çox məyusdur. Heç kim bu qolu bizə qaytarmayacaq. “CFR Kluj”a qarşı haqsızlıq etdilər”.

Qeyd edək ki, komandalar arasında Rumıniyada keçirilən ilk görüşdə 1:1 hesablı bərabərlik qeydə alınmışdı.