Aktual mövzular: Dollar alış-satışı, Neftin qiyməti, COP29, Hava proqnozu

Ronaldo Transfermarktı blok etdi - Şəkillər

Tarix: 3 Mart 2020 10:36

"Yuventus"un futbolçusu Kriştiano Ronaldo məşhur Transfermarkt saytının "İnstaqram" səhifəsini blok edib.

Qol.az xəbər verir ki, buna Transfermarktın portuqaliyalı oyunçunun qiymətini 75 milyon avro göstərməsi səbəb olub. Belə ki, sayt agenti Jorje Mendeş olan oyunçulardan ibarət simvolik komandanın şəklini "İnstaqram"da yerləşdirib. Şəkildə Ronaldodan başqa bütün oyunçular işərələnib. Çünki qiymətini bəyənməyən 35 yaşlı oyunçu səhifəni qara siyahıya atıb.

"Ronaldonu işarələyə bilmədik. Çünki saytda qiymətini gördükdən sonra bizi qara siyahıya atdı. Bizə özünün qiymətini bəyənmədiyini söylədi" - deyə Transfermarkt şərhdə qeyd edib.

Xatırladaq ki, Ronaldo bu mövsüm İtaliya A seriyasında 21 oyunda 21 qol vurub.