Aktual mövzular: Dollar alış-satışı, Neftin qiyməti, COP29, Hava proqnozu

“Koronavirusla bağlı neft bazarlarında tamamilə yeni vəziyyət yaranıb” - Samir Şərifov

Tarix: 12 Mart 2020 22:20

"Neftin qiyməti hər zaman enmələrə və qalxmalara məruz qalır və bu da daimi prosesdir. Lakin yeni növ koronavirus xəstəliyinin yayılması ilə əlaqədar neft bazarlarında tamamilə yeni vəziyyət yaranıb".

Sonxeber.net modern.az-a istinadən bildirir ki, bunu Maliyyə naziri Samir Şərifov neft bazarlarında baş verən son prosesləri şərh edərkən deyib.

S.Şərifovun sözlərinə görə, bazarlarda bəzi spekulyativ oyunlar da aparılır:

"Ümumiyyətlə neft bazarlarının iştirakçıları qlobal neftə olan tələbatın bir qədər azalmasını proqnozlaşdırır. Bunun nəticəsində də şübhəsiz ki, bazarda həm müəyyən spekulyativ oyunlar, həm də təbii proseslər başlayıb. Lakin bu proseslərin təbii gedişatı fonunda OPEC+ formatında razılığın əldə edilməməsi və bundan sonra dünyanın ən iri istehsalçısı olan dövlətin hasilat üzrə yeni siyasət tədbirlərini bəyan etməsi şübhəsiz ki, neft bazarlarına olduqca mənfi təsir göstərib. Nəticə etibarı ilə dünyada neftin qiymətləri azalıb. Azalma 35-40% olub".

Whatsapp ilə göndər