Aktual mövzular: Dollar alış-satışı, Neftin qiyməti, COP29, Hava proqnozu

Təhsil Nazirliyi: Yeni qərarla hər hansı tətilin ləğv olunmasından söhbət getmir

Təhsil Nazirliyi: Yeni qərarla hər hansı tətilin ləğv olunmasından söhbət getmir

Tarix: 13 Mart 2020 08:54

Bakı. İlhamə İsabalayeva - Trend:

Nazirlər Kabinetinin qərarı ilə “Ümumtəhsil məktəbinin Nümunəvi Nizamnaməsi”nə edilən yeni dəyişiklikdə hər hansı tətilin ləğv olunmasından söhbət getmir.

Trend-in məlumatına görə, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Onun sözlərinə görə, qərarla tədris ilinin müddəti təsdiq edilib:

"Bu, "Ümumi təhsil haqqında" Qanundan irəli gələn vəzifə idi. Bu qərar verilənədək həmin müddəalar elə NK-nın təsdiq etdiyi nümunəvi nizamnamədə yer alırdı. Yeni qərar qəbul edildikdən sonra, uyğunlaşdırma çərçivəsində həmin normalar nizamnamədən çıxarılmalı idi. Başqa sözlə desək, indi həmin normalar ayrıca sənəddə öz əksini tapıb. Yeganə fərq ondan ibarətdir ki, nizamnaməyə görə bütün ölkə üzrə tətil və tədris müddəti ilə bağlı qərar qəbul etmək səlahiyyəti Təhsil Nazirliyində idi. İndi isə NK-dadır. Amma ayrı-ayrı məktəblər üzrə bu qərarı vermək səlahiyyəti yenə də Təhsil Nazirliyindədir. Yəni bu sənəddə hər hansı tətilin ləğv olunmasından söhbət getmir".


Etiketlər:  Təhsil Nazirliyi Yeni qərarla hər hansı tətilin ləğv olunmasından söhbət getmir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ