Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda koronavirusun az təsir etdiyi sahələr açıqlandı - VİDEO

Azərbaycanda koronavirusun az təsir etdiyi sahələr açıqlandı - VİDEO

Tarix: 30 Mart 2020 23:54

Pandemiyanın minimal təsirinə məruz qalan və ya heç təsir etmədiyi sektorlar rabitə və maliyyə, bank və sığorta sektorlarıdır.

Sonxeber.net Trend-ə istinadən bildirir ki, bunu Azərbaycan Televiziyasında (AzTV) "Hədəf" verilişinin qonağı olan İqtisadiyyat naziri Mikayıl Cabbarov deyib.

Nazir buna səbəb kimi bu sektorun işçilərinin aldığı yüksək əmək haqqını göstərib:

"Burada biz işçinin real maaşını və ya orta aylıq əmək haqqını maksimal hədd olaraq götürürük. Həmrəylik konsepsiyasından çıxış edərək yüksək əmək haqqı alan işçilərin dəstəyə ehtiyacının digərlərinə nisbətən daha fərqli olduğunu etiraf etməliyik. Bu istiqamətdə əsas baxış bucağımız minimal təsir və yaxud təsirsiz ötüşmədir".

M.Cabbarov əlavə edib ki, pandemiya ölkədə dövlət və sahibkarlar, hakimiyyətlə xalq arasında olan həmrəyliyə bir daha şahid olmağımıza imkan yaradıb.

Nazir qeyd edib ki, Koronavirusla Mübarizəyə Dəstək Fonduna həm dövlət başçısının, həm də sahibkar və vətəndaşların ianələri bu baxımdan milli birliyimizin daha bir təzahürüdür.


Etiketlər:  Azərbaycanda koronavirusun təsir etdiyi sahələr açıqlandı VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ