Dünyada koronavirusa yoluxanların sayı 83 min nəfərə yaxın artıb

Tarix: 10 Aprel 2020 01:24

Bakı. Trend:

Dünyada koronavirusa yoluxanların sayı son sutka əzrində 83 min nəfərə yaxın artıb. Bu, əvvəlki günün statistikasından 9 min çoxdur.

Trend-in məlumatına görə, bu barədə Ümumdünya Səhiyyə Təşkilatının gündəlik məlumat bülletenində bildirilib.

Bildirilib ki, dünyada 1 436 198 xəstələnən və 85 522 ölüm hadisəsi qeydə alınıb. Sutka əzrində yoluxanların sayı 82 837 nəfər, ölənlərin sayı isə 6287 nəfər artıb.

Ən çox xəstələnən və ölən Avropada qeydə alınıb: müvafiq olaraq 759,661 və 61 516 hal. Sutka ərzində orada yoluxanların sayı 39 442 nəfər, ölüm halları isə 3777 nəfər artıb.

Şimali və Cənubi Amerikada ümumilikdə 454 710 nəfər koronavirusa yoluxub, 14,775 nəfər ölüb. Son 24 saat ərzində ölüm hallarının (37294) və ölənlərin (2117) sayına görə bu bölgə Avropadan geri qalır.

Dünyada xəstələnmə üzrə üçüncü yeri xüsusilə Çin, Koreya Respublikası və Yaponiyanın daxil olduğu Qərbi Sakit Okean bölgəsi tutur. Aprelin 9-na olan vəziyyətə görə, orada 115 852 xəstələnən və 3 944 ölüm hadisəsi aşkar edilib.

Ən çox yoluxma halı ABŞ-da qeydə alınıb - 395030 hal, sonrakı yerləri İspaniya (146690), İtaliya (139422), Almaniya (108202) və Çin (83249) tutur.