Aktual mövzular: Dollar alış-satışı, Neftin qiyməti, COP29, Hava proqnozu

Dünyada ən kiçikölçülü displey yaradılıb

Tarix: 31 May 2019 14:44

“Mojo Vision” şirkətinin displeyi smartfonun ekranındakı nöqtələrdən 300 dəfə kiçik piksellərdən ibarətdir.

“ICTnews” Elektron Xəbər Xidməti “hi-tech.mail.ru” saytına istinadən yazır ki, bu displey televizor, smartfon və noutbuklar üçün gələcəyin texnologiyası hesab olunan “microLED” matrisindən istifadə edir. “Mojo Vision” şirkəti tərəfindən təqdim edilmiş prototipin ölçüsü 0,48 mm təşkil edir: ona mikroskop vasitəsilə baxmaq lazımdır. Buna baxmayaraq, displey rəngli və dinamik təsviri göstərə bilir.

Yeni texnologiya piksellərin rekord sıxlığına nail olmağa imkan verib. Müqayisə üçün, “Mojo Vision” şirkətinin ekranında piksellərin sıxlığı 14000 ppi, “iPhone XS” smartfonunda isə piksellərin sıxlığı 458 ppi təşkil edir.

“Mojo Vision” şirkəti gələcəkdə əlavə edilmiş reallıq şlemləri, şəffaf ekranlar və başqa bu cür texnologiyalar üçün sözügedən texnologiyadan istifadəni planlaşdırır.

Emil Hüseynov

Whatsapp ilə göndər