Aktual mövzular: Dollar alış-satışı, Neftin qiyməti, COP29, Hava proqnozu

Ziyad Səmədzadə tərəfindən seçicilərinə ərzaq yardımı olundu

Tarix: 13 Aprel 2020 21:06

Bakı. Trend:

Məlum olduğu kimi, Nazirlər Kabineti yanında Operativ Qərargah tərəfindən martın 24-dən aprelin 20-dək ölkədə xüsusi karantin rejimi elan edildiyindən və bu tədbirlər çərçivəsində 65 yaşdan yuxarı şəxslərin evdən çıxması qadağan olunduğundan, bu qəbildən olan insanlara, həmçinin respublikanın bütün rayon və şəhərlərində yaşayan aztəminatlı sakinlərə yardımlar edilir.

Trend-in məlumatına görə, bu günlərdə Bakı şəhəri 23 saylı Nəsimi-Səbail Seçki Dairəsindən seçilən millət vəkili, akademik Ziyad Səmədzadə tərəfindən adı çəkilən dairədə yaşayan aztəminatlı ailələrə, 65 yaşdan yuxarı tənha ahıl şəxslərə ərzaq yardımı edilib.

Yardım aksiyasında millət vəkilinin qərargahının üzvləri və könüllü gənclər iştirak edib. Yardımlar çatdırılan insanlarla maarifləndirici söhbət aparılıb, onlara Nazirlər Kabineti yanında Operativ Qərargah tərəfindən elan edilən xüsusi karantin rejimi qaydaları bir daha xatırladılıb, bu qaydalara əməl olunmasının vacibliyi diqqətə çatıdırılıb.

Whatsapp ilə göndər