Aktual mövzular: Dollar alış-satışı, Neftin qiyməti, COP29, Hava proqnozu

Ceyhun Bayramov: Tədris müddətinin dayandırılması uzanarsa, bu həftə ərzində məlumat veriləcək

Ceyhun Bayramov: Tədris müddətinin dayandırılması uzanarsa, bu həftə ərzində məlumat veriləcək

Tarix: 14 Aprel 2020 23:15

Bakı. İlhamə İsabalayeva – Trend:

Düşünürəm ki, təhsil müəssisələrində tədris müddətinin dayandırılmasının uzadılması barədə qərar qəbul olunarsa, Azərbaycan ictimaiyyətinə bu həftə ərzində bununla bağlı məlumat veriləcək.

Trend-in məlumatına görə, bunu Təhsil naziri Ceyhun Bayramov deyib.

C.Bayramov deyib ki, təhsil müəssisələrində tədrisin bərpa olunması gün ərzində 2 milyona yaxın insanın hərəkət etməsi deməkdir:

“Ölkə başçısının tapşırığına uyğun olaraq, Azərbaycanda ilk koronavirus faktı aşkar olunandan bir neçə gün sonra bütün təhsil müəssisələrində tədris prosesinin dayandırılması barədə qərar verildi. Azərbaycan bu baxımdan ilk ölkələrdən biri oldu. Azərbaycanda həyata keçirilən çox çevik tədbirlər nəticəsində ölkəmizdəki sanitar-epidemioloji vəziyyətə tam nəzarət edilir. Biz eyni zamanda fərqli ssenarilər də görmüşük. İnkişaf etmiş ölkələrdə pandemiyanın 2-3 həftə ərzində səhiyyə sistemini çökdürdüyünü gördük. Ona görə də Nazirlər Kabineti yanında Operativ Qərargah bütün riskləri nəzərə alaraq, sanitar-epidemioloji vəziyyətdən asılı olaraq, qərar qəbul edəcək”.


Etiketlər:  Ceyhun Bayramov Tədris müddətinin dayandırılması uzanarsa həftə ərzində məlumat veriləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ