Aktual mövzular: Dollar alış-satışı, Neftin qiyməti, COP29, Hava proqnozu

Azadlıq Partiyası sədrinin ailəsi Prezident İlham Əliyevə təşəkkür edib

Azadlıq Partiyası sədrinin ailəsi Prezident İlham Əliyevə təşəkkür edib

Tarix: 22 Aprel 2020 15:36

Azadlıq Partiyasının sədri Əhməd Orucun ailəsi adından oğlu Abdul Oruclu Azərbaycan Respublikasının Prezidenti İlham Əliyevə təşəkkür edib.

Sonxeber.net Trend-ə istinadən xəbər verir ki, təşəkkür məktubunda deyilir:

"Möhtərəm cənab Prezident.

İcazə verin, ailəmiz üçün ən çətin anlarda - atam, Azadlıq Partiyasının sədri Əhməd Orucun səhhətindəki problemlər ucbatından düşdüyümüz çıxılmaz vəziyyətdə bizə etdiyiniz yardıma, göstərdiyiniz dəstək və qayğıya görə Sizə sonsuz minnətdarlığımızı bildirək.

Sizə olan təşəkkür və rəğbətimiz sonsuzdur. Ölkəmizdə koronovirus pandemiyası ilə mübarizə aparılan bu gərgin şəraitdə bizə göstərdiyiniz xüsusi diqqət, müxtəlif siyasi baxışlara məhəl qoymadan atdığınız nəcib addım Sizin ən yüksək insani keyfiyyətlərə malik əsl lider olduğunuzu bir daha təcəssüm etdirir. Sizin və çox hörmətli Mehriban xanımın hər bir vətəndaşı düşünməsinin, ehtiyacı olan hər bir kəsin yardımına tələsməsinin bariz nümunəsini şəxsən gördük.

Atamın həyatı ciddi təhlükə altında olduğu məqamda etdiyiniz əvəzsiz köməyi heç vaxt unutmayacağıq.

Tanrı Sizi qorusun, cənab Prezident".


Etiketlər:  Azadlıq Partiyası sədrinin ailəsi Prezident İlham Əliyevə təşəkkür edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ