Aktual mövzular: Dollar alış-satışı, Neftin qiyməti, COP29, Hava proqnozu

Dəmir yolları ilə yükdaşımaların həcmi açıqlanıb

Tarix: 22 Aprel 2020 22:42

Koronavirus pandemiyasına baxmayaraq Azərbaycan Dəmir Yollarında (ADY) yükdaşımalar fasiləsiz şəkildə həyata keçirilir.

Ötən ilin yanvar, fevral, mart və aprelin 20 günü ilə müqayisədə bu il yükdaşımaların həcmində artım müşahidə olunub.

Sonxeber.net Trend-ə istinadən xəbər verir ki, bunu REAL TV-yə ADY QSC-nin Yükdaşıma departamentinin rəisi Emil Əhmədov bildirib.

Departament rəisi deyib ki, qeyd olunan tarixdə ötən il 4,360 000 ton yük daşınıb, bu il isə rəqəm 4,380 000-a çatıb. Ümumi yükdaşımada 16 min ton artıq yük daşınıb:

"Bakı-Tiflis-Qars dəmir yol xətti marşrutu üzrə daşınan yüklərdə də artım var. Yükdaşımalarda artım idxal və tranzit rejimlərində mövcuddur".

E.Əhmədov bildirib ki, idxal rejimində artan yüklər un və un məhsulları, neft və neft məhsulları, meyvə və tez xarab olan yüklər, süd və süd məhsulları, şəkər və şəkərdən hazırlanan məhsullardan ibarətdir.

Whatsapp ilə göndər