Aktual mövzular: Dollar alış-satışı, Neftin qiyməti, COP29, Hava proqnozu

Çindən Türkiyəyə gedən yük qatarı Bakı limanından keçib

Çindən Türkiyəyə gedən yük qatarı Bakı limanından keçib

Tarix: 27 Aprel 2020 15:42

Çindən Türkiyəyə gedən növbəti yük qatarı Bakı limanından keçib.

Sonxeber.net xəbər verir ki, bu barədə Trend-ə Bakı Beynəlxalq Dəniz Ticarət Limanından bildiriblər.

Məlumatda qeyd olunub ki, Çindən Avropaya hərəkət edən və Avstriya Federal Dəmir Yollarının idarə etdiyi yük qatarı Bakı limanından keçərək Türkiyənin Köseköy şəhərinə yola düşüb. Əsasən elektron qurğular, avtomobil ehtiyat hissələri və digər istehlak malları ilə yüklənmiş qatar Çinin Sian şəhərindən Bakıya altı günə çatıb.

Bu, Avstriya Federal Dəmir Yollarının törəmə şirkəti "ÖBB Rail Cargo Group" şirkətinin idarə etdiyi və Bakı limanından keçən ikinci qatardır. Qatar 115 konteynerdən ibarətdir.

Gələcəkdə Sian-Köseköy marşrutu üzrə qatarlar müntəzəm cədvələ əsasən işləyəcək və "Mərkəzi Dəhliz"in və Çin-Türkiyə-Avropa İttifaqı dəhlizinin vacib hissəsi olacaq.


Etiketlər:  Çindən Türkiyəyə gedən yük qatarı Bakı limanından keçib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ