Aktual mövzular: Dollar alış-satışı, Neftin qiyməti, COP29, Hava proqnozu

Bakıda ağır qəza - dəmir maneə avtomobilin salonuna girdi (FOTO)

Tarix: 4 Iyun 2019 09:51

Bakı. Ceyhun Ələkbərov - Trend:

Bakıda ağır yol-nəqliyyat hadisəsi baş verib.

Trend-in məlumatına görə, qəza Xətai rayonu Zığ şosesində qeydə alınıb. Şəhər istiqamətindən üzü Hövsan qəsəbəsi ilə hərəkətdə olan "Renault Megane" markalı avtomobil idarəetməni itirərək yol kənarındakı dəmir maneəyə çırpılıb.

Nəticədə dəmir avtomobilin ön şüşəsindən salona girərək, arxa şüşədən çıxıb. Şahidlərin bildirdiyinə görə, qəza zamanı avtomobildə sürücü tək olub, o da ciddi xəsarətlər almayıb.

Qəzanın səbəbləri araşdırılır.

Trend-in ən mühüm və maraqlı xəbərlərini "Telegram"da izləyin