Sportnet.az - 6!

Tarix: 15 May 2020 14:14

Bu gün Sportnet.az saytının fəaliyyətə başlamasından 6 il ötür. 

Sayt 2014-cü il mayın 15-də İdman Araşdırmalar Mərkəzinin (İAM) layihəsi kimi oxucularla görüşə gəlib. Sportnet.az-ın fəaliyyəti çətin dövrə təsadüf etsə də, ötən müddətdə sabitliyi qorumaq mümkün olub. Üstəlik, İAM ötən il daha bir layihəsi olan Autocity.az-ı istifadəyə verib. Avtomobil həvəskarları üçün yaradılan sayt artıq yeni adla - Autoinfo.az kimi fəaliyyət göstərəcək.

Sportnet.az bütün növlər üzrə ölkədaxili və beynəlxalq yarışları işıqlandıırır, Azərbaycan idmanının təbliği istiqamətində müxtəlif layihələr həyata keçirir. Saytda mühüm olaylar barədə xəbərlər, reportajlar hazırlanır, müxtəlif mövzularda müsahibələr, araşdırmalar, təhlillər yer alır.

Həmkarlarımızı təbrik edirik.