Aktual mövzular: Dollar alış-satışı, Neftin qiyməti, COP29, Hava proqnozu

Binəqədidə qətl törədən şəxslərin saxlanılması ilə bağlı təfərrüatlar açıqlanıb (FOTO)

Tarix: 8 Iyun 2019 13:58

Bakı. Ceyhun Ələkbərov - Trend:

Binəqədi rayonunda baş vermiş silahlı insidentdən sonra cinayəti törədən şəxslərin saxlanılması ilə bağlı təfərrüatlar açıqlanıb.

Trend-in məlumatına görə, Binəqədi rayonu, Azadlıq prospektində Tərtər rayon sakini, əvvəllər məhkum olunmuş Taleh Cəlalov həmyerlisi Vüsal Hüseynov tərəfindən idarə edilən "BMW" markalı avtomobillə sərnişin kimi gedən zaman Pirşağı qəsəbə sakini, əvvəllər məhkum olunmuş Mübariz Budaqlının sərnişin qismində getdiyi Nazim Qədirovun idarə etdiyi "Mercedes" markalı avtomobili təqib edib.

Yaranmış tıxacdan istifadə edən T.Cəlalov tüfəngdən açdığı atəşlə M.Budaqlını "Mercedes" markalı avtomobildə qətlə yetirərək hadisə yerini tərk edib.

Bu zaman Binəqədi rayon Dövlət Yol Polisi Şöbəsinin əməkdaşları - polis serjantları Murad Əzizli, Ramin Əsgərov, Mehdi Hacıyev şöbənin rəisi Mərdan Əliyevin göstərişi əsasında M.Ə.Rəsulzadə qəsəbəsi ərazisində süni tıxac yaradaraq həmin şəxslərin idarə etdiyi avtomobili saxlamağa nail olublar.

Hadisəni törətməkdə şübhəli bilinən T.Cəlalov və V.Hüseynovun tutulması təmin edilib.

Trend-in ən mühüm və maraqlı xəbərlərini "Telegram"da izləyin