Aktual mövzular: Dollar alış-satışı, Neftin qiyməti, COP29, Hava proqnozu

İspaniya hökuməti turistlər üçün ''təhlükəsiz dəhlizlər'' aça bilər

İspaniya hökuməti turistlər üçün ''təhlükəsiz dəhlizlər'' aça bilər

Tarix: 21 May 2020 16:48

Bakı. Trend:

İspaniya hökuməti digər ölkələrdən turistlərin gəlməsinə icazə verilməsi imkanını nəzərdən keçirir.

Trend-in məlumatına görə, bunu İspaniyanın Ekoloji keçid naziri Teresa Ribera deyib.

O bildirib ki, turistlər üçün “təhlükəsiz dəhlizlər” tətbiq oluna bilər:

“Bu sistem son bir-iki həftə yoluxma hallarının sutkada 0,3 faizdən çox artmadığı regionlardan turistlərin səfər etməsinə imkan verəcək”.

Nazir əlavə edib ki, İspaniyada koronavirusa yoluxma halının gündəlik artım son bir həftə ərzində 0,3 faiz nisbətini keçməyib.

“Təhlükəsiz dəhlizlər” epidemioloji vəziyyətin İspaniyaya oxşar olduğu ölkələrlə açıla bilər.

Bununla belə, İspaniyanın özündə hərəkət məhdudiyyətinin iyul ayınadək qüvvədə qalacağı gözlənilir.

Daha əvvəl, xüsusi turizm dəhlizlərinin açılması fikrini Avstriya, Almaniya, İtaliya, Çexiya və digər Avropa ölkələri səsləndirmişdi.


Etiketlər:  İspaniya hökuməti turistlər üçün təhlükəsiz dəhlizlər aça bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ