Aktual mövzular: Dollar alış-satışı, Neftin qiyməti, COP29, Hava proqnozu

Koronavirusdan ölüm riskini azaldan preparat tapılıb

Tarix: 23 May 2020 14:52

Bakı. Trend:

ABŞ-ın Cons Hopkins Universitetinin Tibb Məktəbinin alimləri COVID-19 infeksiyasının ağır formasına qarşı aşkar olunan vasitənin kliniki sınaqlarına başlayıb.

Trend-in məlumatına görə, həmin preparat alfa-blokatorlar qrupuna aiddir.

Aparılan müşahidələr nəticəsində məlum olub ki, COVID-19-a yoluxmuş xəstə digər xəstəliklərin müalicəsi üçün alfa-blokatorlar qəbul edibsə, onun kəskin respirator xəstəliklərdən ölüm riski azalır.

Müşahidələr tam təsdiqlənmədiyi üçün mütəxəssislər sınaqlar keçirməyi planlaşdırır. 6 gün davam edəcək sınaqlardan sonra, 60 gün ərzində xəstəxanalara yerləşdirilən, eləcə də intensiv terapiya müalicə tələb olunan insanların sayını müşahidə edəcək.

Alfa-blokatorlar qan damarlarının daralmasına təsir edən, həmçinin adrenalin və noradrenalin reaksiya verən alfa-1 reseptorlarının fəaliyyətini zəiflədir. Bu tərkibli preparatlar prostat vəzi xəstəliklərində, yüksək qan təzyiqində təyin olunur.

Whatsapp ilə göndər