Aktual mövzular: Dollar alış-satışı, Neftin qiyməti, COP29, Hava proqnozu

''Ramazan - Vəhdət və Mərhəmət Bayramı'' adlı onlayn konfrans keçirilib

''Ramazan - Vəhdət və Mərhəmət Bayramı'' adlı onlayn konfrans keçirilib

Tarix: 23 May 2020 17:18

Bakı. Trend:

23 may 2020-ci il tarixində Azərbaycan Respublikasının Gənclər Fondu, Mənəvi Dəyərlərin Təbliği Fondu və Azərbaycan İlahiyyat İnstitutunun birgə təşəbbüsü ilə insanları saflıq, şəfqət, birlik və bərabərliyə dəvət edən Ramazan ayında "Ramazan - Vəhdət və Mərhəmət Bayramı" adlı onlayn konfrans keçirilib.

Gənclər Fondundan Trend-ə bildirilib ki, Fondun onlayn platforması üzərindən canlı yayımlanan konfransda, ictimai fəal gənclər, könüllülük təşkilat və hərəkatlarının nümayəndələri iştirak ediblər.

500-dən çox gəncin qatıldığı onlayn konfransda, mövzu ilə əlaqəli ekspert və mütəxəssislərin fikirləri dinlənilib və müzakirələr aparılıb. Bu ilki Ramazan ayının dünyada yeni növ koronavirus pandemiyasının tüğyan etdiyi dövrə təsadüf etdiyi qeyd edilərək, Azərbaycan Respublikasının Prezidenti və Birinci vitse-prezidentinin çağırışına və xalqımızın çoxəsrlik ənənələrinə uyğun olaraq, vətəndaşlarımızın birlik, həmrəylik, mərhəmət, qayğıkeşlik və çətin anda səfərbər olma sınağından uğurla keçdiyi vurğulanıb.
Konfransda, həmçinin, izləyicilərlə virtual ünsiyyət imkanları yaradılaraq, gənclərin sualları cavablandırılıb.


Etiketlər:  Ramazan Vəhdət Mərhəmət Bayramı adlı onlayn konfrans keçirilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ