''Qadın kişini sevirsə, silləsinə dözər. Deyər, bəh-bəh''

Tarix: 25 Iyun 2020 13:55

Əməkdar artist Elza Seyidcahanın "Bizimləsən" verilişində açıqlaması ilə söz-söhbətə səbəb olub.

Sonxeber.net axşam.az-a istinadən bildirir ki, müğənni verilişə gəlib, arvadının ona xəyanət etdiyini və şantajla hədələdiyini söyləyən kişiyə əsəbiləşib. Seyidcahan açıqlamasında qadına şiddəti təbliğ edib:

"Kişiyə yaraşdırmıram ki, efirdə bu cür danışır. Uşaqlarını sındırırsınız, biabır edirsiniz. Ağzına maska taxıb oturmusan, abırdan, həyadan özünü necə gizlədəcəksən. Uşaqlarının anasıdır, nə olar şantaj edəndə? Danışma, yum ağzını otur, efirə çıxma. Uşaqlarının anası haqda nələr danışırsan? müdrik olsaydın, ailəni yığardın bir araya. Gedib yoldaşını gizlində döyərdin, üzünü göyərdərdin, amma uşaqlarına deməzdin. Ondan boşanardın, uşaqlara deyərdin, ananız xəyanət etməyib".

Studiyadakılar Elzaya etiraz edərək, onun qadına şiddəti təbliğ etdiyini bildirib.

Müğənni isə "Qadınları sındırır, şiddətdən betərini edir. Qadın kişini sevirsə, silləsinə dözər. Deyər, bəh-bəh ərimin silləsi dəydi mənə. Arvad kişi tərəfindən döyülər. Qoy, kişilər arvadını vursun. Niyə vurmamalıdır kişilər arvadını" deyərək, sözlərinə davam edib.