Aktual mövzular: Dollar alış-satışı, Neftin qiyməti, COP29, Hava proqnozu

Bakıda karantin zamanı hərbçini təhqir edən şəxs həbs edildi

Tarix: 7 Iyul 2020 19:21

Bakı. Samir Əli - Trend:

Bakıda karantin zamanı hərbçini təhqir edən şəxs barəsində həbs qətimkan tədbiri seçilib.

Trend-in məlumatına görə, Qaradağ rayon sakini, 1986-cı il təvəllüdlü Orucəli Zərbəliyev Qaradağ rayon məhkəməsinin qərarı ilə inzibatı qaydada 30 sutka həbs edilib.

Faktı Bakı şəhər Baş Polis İdarəsi təsdiqləyib.

Qayd edək ki, Qaradağ rayon sakini, 1986-cı il təvəllüdlü Orucəli Zərbəliyev Qaradağ rayonu Lökbatan qəsəbəsində xidmət aparan hərbi qulluqçunun qanuni tələblərinə rişxəndlə yanaşaraq, hörmətsizlik nümayiş etdirib və bu hərəkətlərini mobil telefon vasitəsilə qeydə alaraq sosial şəbəkələrdə yayıb. Həmin şəxs hüquq-mühafizə orqanları tərəfindən müəyyən olunaraq saxlanılıb.

Whatsapp ilə göndər