Aktual mövzular: Dollar alış-satışı, Neftin qiyməti, COP29, Hava proqnozu

Ramin Bayramlı koronavirusun payız aylarında yarada biləcəyi problemlərdən danışdı

Tarix: 5 Avqust 2020 15:57

Bakı. İlhamə İsabalayeva - Trend:

Koronavirusun payız aylarında digər respirator virus infeksiyaları ilə birlikdə gedişatı problemlərə səbəb ola bilər.

Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı deyib.

Onun sözlərinə görə, Ümumdünya Səhiyyə Təşkilatının mütəxəssisləri bütün dünya ölkələrinə payız aylarına hazırlıqla bağlı tövsiyələr verir:

“Dünya ölkələri bu hazırlıq işlərini görürülər. Çünki xəstəliyin gedişatını əvvəlcədən proqnozlaşdırmaq çox çətindir. Virusun gələcəkdə hansısa formada mutasiyaya uğrama ehtimalı, bu virusun payız aylarında digər respirator virus infeksiyaları ilə birlikdə gedişatı problemlərə səbəb ola və səhiyyə müəssisələrinin üzərinə düşən yükü artıra bilər”

R.Bayramlı qeyd edib ki, hazırda İtaliya və Çindən gələn nümyəndələrlə birlikdə gələcək planlar üzrərində iş aparılır.

Whatsapp ilə göndər