Aktual mövzular: Dollar alış-satışı, Məzənnə, Neftin qiyməti

Ceyhun Bayramov "CNN Türk"ə Ermənistanın Tovuz istiqamətində törətdiyi təxribatdan danışdı - YENİLƏNİB

Ceyhun Bayramov

Tarix: 12 Avqust 2020 12:18

12:16

12 iyul tarixindən başlayaraq Azərbaycan-Ermənistan dövlət sərhədinin Tovuz istiqamətindən başlayaraq Ermənistan silahlı qüvvələri növbəti təxribat həyata keçiriblər.

Milli.Az Trend-ə istinadən bildirir ki, bunu Xarici İşlər naziri Ceyhun Bayramov Türkiyə səfəri çərçivəsində "CNN Türk" kanalına müsahibəsi zamanı deyib.

Nazir bildirib ki, həmin təxribatın çox aydın həm siyasi, həm hərbi məqsədləri var idi. Bu təxribat işğalçı Ermənistan dövlətinin Dağlıq Qarabağdan kənar bir bölgədə iki dövlət sərhədində yeni bir gəginlik, alovlanma ocağının yaradılması ilə özlərinin üzv olduğu siyasi təşkilatları, ora üzv olan dövlətləri bu gərginliyə qatmaq məqsədi daşıyırdı:

"Eyni zamanda, Ermənistan rəhbərliyi yeni münaqişə ocağı yaratmaqla Ermənistanın daxilində olan sosial-iqtisadi gərginlikdən, pandemiyanın ölkəyə təsirlərindən əhalinin diqqətini yayındırmağa çalışırdı.

Digər bir tərəfdən isə Ermənistan bu münaqişə ocağını məhz regional böyük layihələrin keçdiyi istiqamətdə etməyə çalışırdı".

Nazir qeyd edib ki, Azərbaycan Ordusunun qətiyyətli cavab tədbirləri nəticəsində Ermənistan hərbi birləşmələri geri otuzduruldu, bu təxribatın qarşısı alındı. Əfsuslar olsun ki, bu erməni təxribatı nəticəsində Azərbaycan hərbçiləri şəhid oldu: "Mən bir daha onların yaxınlarına, ailə üzvlərinə, Azərbaycan xalqına başsağlı verirəm.

Bu təxribat zamanı Ermənistan tərəfi növbəti dəfə öz terrorçu mahiyyətini üzə çıxardı. Ermənistan ordusu tərəfindən mülki yaşayış məntəqləri atəşə tutuldu, 76 yaşlı kənd sakini bu atəşlərin qurbanı oldu. Bu, ilk hadisə deyil, bu, Ermənistan hərbi birləşmələrinin bir qayda olaraq əl atdıqları yoldur. Bunlar Ermənistan dövlətinin terrorçu mahiyyətini bir daha bəlli edir.

Bu həmin Ermənistandır ki, ASALA və digər terror təşkilatlarını dəstəkləməklə dünyada bir çox terror hadisələri törədib, qardaş Türkiyə də bu terror aktlarının qurbanı olub.

Dağlıq Qarabağ və ətraf əraziləri də işğal edərkən Ermənistan terrordan çox geniş istifadə edib".

---------
11:08

Xarici İşlər naziri Ceyhun Bayramovun Türkiyəyə səfəri davam edir.

Milli.Az Trend-ə istinadən bildirir ki, Azərbaycan XİN rəhbəri "CNN Türk" kanalına müsahibə verib. Müsahibə zamanı Türkiyə-Azərbaycan münasibətlərinə, Azərbaycan-Ermənistan sərhədində baş verən son hadisələrə və digər məsələlərə toxunulub.

Qeyd edək ki, Ceyhun Bayramovun dünəndən etibarən Türkiyəyə rəsmi səfəri başlayıb, səfər çərçivəsində nazir Türkiyə XİN rəhbəri Mövlud Çavuşoğlu, Türkiyə Prezidenti Rəcəb Tayyib Ərdoğanla görüşlər keçirib.

Milli.Az


Etiketlər:  Ceyhun Bayramov CNN Türkə Ermənistanın Tovuz istiqamətində törətdiyi təxribatdan danışdı YENİLƏNİB


RƏYLƏR



Populyar Xəbərlər

XƏBƏR LENTİ