Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ''a hörmət edirik, qorxmuruq'' - ''Şerif''in futbolçusu

Tarix: 25 Avqust 2020 20:24

“Fola” ilə oyunda çox sayda imkanlar yaratdıq. Ancaq çox azından istifadə etdik. İmkanlardan yararlanmaq çox vacib oyun komponentidir. Bunu “Qarabağ”la matçda da nəzərə almalıyıq".

Qol.az xəbər verir ki, bu sözləri Moldova “Şerif”inin futbolçusu Andrey Lukiç deyib.

Xorvatiyalı müdafiəçi klubun rəsmi saytına açıqlamasında Çempionlar Liqasının 2-ci təsnifat mərhələsində sabah “Qarabağ”la keçiriləcək oyun haqda da danışıb: “Qarabağ” yaxşı komandadır. Biz onlara hörmət edirik, amma heç kimdən qorxmuruq. Komandamız Bakıya oyundan zövq almağa və növbəti mərhələyə yüksəlmək üçün mübarizə aparmağa yollanır. Biz öz oyun keyfiyyətlərimizə, komanda ruhuna və qələbəyə inanırıq”.

Qeyd edək ki, sabah Tofiq Bəhramov adına Respublika stadionunda keçiriləcək “Qarabağ” – “Şerif” oyunu saat 20:00-da başlayacaq.

Whatsapp ilə göndər