Aktual mövzular: Dollar alış-satışı, Neftin qiyməti, COP29, Hava proqnozu

Bakıda əhaliyə satılmış məhsulların və göstərilmiş xidmətlərin dəyəri açıqlanıb

Tarix: 1 Sentyabr 2020 19:40

Bakı. Elçin Mehdiyev – Trend:

2020-ci ilin yanvar-iyun aylarında əhalinin tələbatlarının ödənilməsi məqsədilə Bakının istehlak bazarında satılmış məhsulların və göstərilmiş xidmətlərin dəyəri 12 milyard 421,8 milyon manat olmaqla 2019-cu ilin müvafiq dövrünə nisbətən müqayisəli qiymətlərlə 6,9 faiz azalıb.

Trend-in məlumatına görə, satılmış məhsulların və göstərilmiş xidmətlərin ümumi həcminin 96,8 faizini qeyri-dövlət sektoru təşkil edib, bu bölmə üzrə pərakəndə ticarət dövriyyəsinin və ödənişli xidmətlərin dəyəri əvvəlki ilin eyni səviyyəsindən real ifadədə 6,0 faiz azalaraq 12 milyard 025,0 milyon manat olub.

Hesabat dövründə hüquqi şəxs statuslu müəssisələrdə satılmış məhsulların və göstərilmiş xidmətlərin ümumi dəyəri əvvəlki ilin müvafiq dövrü ilə müqayisədə 10,5 faiz azalaraq 4467,1 milyon manat təşkil edib.

Whatsapp ilə göndər