Aktual mövzular: Dollar alış-satışı, Neftin qiyməti, COP29, Hava proqnozu

PUBG Mobile və Baidu kimi tətbiqlər Hindistanda bloklanıb

PUBG Mobile və Baidu kimi tətbiqlər Hindistanda bloklanıb

Tarix: 8 Sentyabr 2020 20:16

Hindistanda 118 tətbiq bloklanıb. Hindistan hökumətinin fikrincə bloklanmış tətbiqlər ölkənin milli təhlükəsizliyi üçün ciddi təhlükə mənbəyi kimi çıxış edirlər. Bloklanmış tətbiqlər arasında PUBG Mobile, VPN for TikTok və Baidu kimi tətbiqlər mövcuddur. Bu barədə Techcrunch saytı xəbər verib. Qeyd etmək lazımdır ki, PUBG Mobile oyununun Hindistandakı aylıq istifadəçi kütləsi 40 milyon insandır. İyun ayında Hindistanda TikTok, WeChat və Weibo da daxil olmaqla Çindən olan 59 tətbiq bloklanmışdı.

Həmin vaxtda da Hindistan hökuməti bildirmişdi ki, bloklanmış tətbiqlər ölkənin milli təhlükəsizliyi üçün potensial təhlükə mənbəyi qismində çıxış edirlər. Hindistan isə TikTok-un ən böyük bazarlarından biridir. Hökumət bu cür qərarları Çin və Hindistan arasında olan siyasi fikir ayrılıqlarının fonunda qəbul edib. Çinin Alibaba şirkəti Hindistan şirkətlərinə minimum 6 ay ərzində investisiyaları dayandırıb. Reuters saytının məlumatına əsasən 2015-ci ildən Alibaba-nın investisiya qrupu Hindistandakı startaplara ümumilikdə 2 milyard dollar investisiya yatırıb.


Etiketlər:  PUBG Mobile Baidu kimi tətbiqlər Hindistanda bloklanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ