Aktual mövzular: Dollar alış-satışı, Neftin qiyməti, COP29, Hava proqnozu

Kipr və Azərbaycan yığmalarının matçı keçirilir

Tarix: 8 Sentyabr 2020 22:52

Bakı. Trend:

Sentyabrın 8-də futbol üzrə Azərbaycan milli komandası UEFA Millətlər Liqasının 2020/2021-ci il mövsümündə ikinci oyununu başlandı.

Trend-in məlumatına görə, millimiz Nikosiyadakı GSP stadionunda Kipr yığmasının qonağıdır.

Azərbaycan millisinin heyətində meydana Emil Balayev, Bəhlul Mustafazadə, Maksim Medvedev, Abbas Hüseynov, Bədavi Hüseynov, Anton Krivotsyuk, Qara Qarayev, Elvin Camalov, Təmkin Xəlilzadə, Rəhim Sadıxov və Ramil Şeydayev çıxıblar.

Kipr komandasının ilk onbirliyində isə Haralambos Kiriakidis, Andreas Karo, Valentinos Sielis, Haralambos Kiryaku, Dimitris Xristofi, Pyeros Sotiriu, İoannis Kusulos, Kostas Laifis, Qriqoris Kastanos, Marinos Tsionis və İoannis Pittas yer alıblar.

Qarşılaşmanı slovakiyalı hakimlər briqadası idarə edilir. Matçın baş hakimi Filip Qlovadır. Ona həmyerliləri Peter Bednar və Frantişek Ferenç kömək edirlər. Dördüncü hakim funksiyasını isə Boris Marhefka yerinə yetirir.

C Liqasının 1-ci qrupunda yer alan hər iki komanda turnirə məğlubiyyətlə başlayıb. Kipr doğma meydanda Monteneqroya (0:2), Azərbaycan millisi isə Lüksemburqa (1:2) uduzub.

Whatsapp ilə göndər