Aktual mövzular: Dollar alış-satışı, Neftin qiyməti, COP29, Hava proqnozu

“Samsung” və “LG” şirkətləri “Huawei” smartfonları üçün ekranların tədarükünü dayandıracaq

“Samsung” və “LG” şirkətləri “Huawei” smartfonları üçün ekranların tədarükünü dayandıracaq

Tarix: 15 Sentyabr 2020 08:16

Cənubi Koreyanın "Samsung Display" və "LG Display" istehsalçıları "Huawei Technologies" şirkətinin smartfonları üçün ekranların tədarükünü dayandırmağı planlaşdırırlar. Buna səbəb kimi ABŞ tərəfindən Çin şirkətinə qarşı tətbiq edilən ticarət sanksiyaları göstərilir.
 
Sonxeber.net ictnews.az-a istinadən bildirir ki, həm "Samsung" smartfonları, həm də "Apple" şirkətinin qurğuları üçün əsas "OLED" displey tədarükçüsü qismində çıxış edən "Samsung Display" məsələyə münasibət bildirməkdən imtina edib. Öz növbəsində "LG Display" bəyanatla çıxış edərək ABŞ hökumətinin tətbiq etdiyi məhdudlaşdırıcı tədbirlərin onun biznesinə cüzi təsir edəcəyini açıqlayıb. Əvvəllər də "Huawei" üçün məhdud sayda panel tədarük edən şirkət müştəri bazasının genişləndirilməsini davam etdirməyə hazırlaşır.
 
Məlumata görə, "Samsung Display" və "LG Display" sentyabrın 15-dən etibarən "Huawei" üçün ekranların tədarükünü dayandıracaq. Təchizat qadağasına Çin brendinə məxsus smartfon displeylərinin yığılması üçün istifadə olunan əlavə komplekt hissələri də şamil edilir.


Etiketlər:  Samsung şirkətləri Huawei smartfonları üçün ekranların tədarükünü dayandıracaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ