Aktual mövzular: Dollar alış-satışı, Məzənnə, Neftin qiyməti

"Qarabağ" və "Neftçi"nin 800-cü oyunu

Tarix: 16 Sentyabr 2020 16:50

Azərbaycan Premyer Liqasının 3-cü turu iki komanda üçün yubileylə əlamətdar olacaq.

Qol.az PFL-in saytına istinadən xəbər verir ki, bütün çempionatların iştirakçısı olan “Qarabağ”la “Neftçi” əvvəl güclülər dəstəsi, sonradan Premyer Liqa adlanan yarışda 800-cü oyununa çıxacaq. Yarışın tarixində ən çox matç keçirən iki komanda bu turda bir-biri ilə üz-üzə gələcək.

“Azərsun Arena”da keçiriləcək görüşdə 800-cü dəfə meydana çıxacaq rəqiblər indiyədək 29 çempionatda 799 matç keçirib. Qələbəyə görə üç xal prinsipi ilə hesabladıqda “Qarabağ”la “Neftçi” indiyədək eyni sayda - 1530 xal toplayıb.

Qələbə sayında “Neftçi” “Qarabağ”dan üstündürsə, heç-heçələrdə Ağdam klubu öndədir. Paytaxt təmsilçisi daha çox uduzsa da, vurulan qol sayında və top fərqində rekordçudur. Eyni sayda oyunda eyni xal toplayan komandaların buraxdığı qollarda da tarazlıq hökm sürür.

800-cü oyun həm də iki rəqibin bir-biri ilə 80-ci matçı kimi tarixə düşəcək. Yəni, klublar keçirdiyi qarşılaşmaların 10 faizini öz aralarında oynayıb. Bu görüşlərdə “Qarabağ” 29, “Neftçi” 20 qələbə qazanıbsa, 30 dəfə heç-heçə qeydə alınıb. Top fərqində də "Qarabağ" üstündür – 84:71.

 


Etiketlər:  Qarabağ Neftçinin 800 oyunu


RƏYLƏR



Populyar Xəbərlər

XƏBƏR LENTİ